ఒక క్షణంలో
మనస్సులో ఎదో స్మృతి తటిన్మణి మణీఘ్రుణి ఎదో మతి వికాసించి,
అదే పరుగు
క్షణంలో
మరేడకో... ఆకులలో చీకటిలో ఇరుల ఇరుకులలో చినుకులలో ఏడనో మరపులలో మరపుల మడతలలో కనబడక!
ఒక క్షణంలోపూర్వపు సఖుని ముఖం
నవ్వులతో రంగుల పువ్వులతో కలకలమని కళలు కురిసి హర్షంతో ఆశావర్షంతో కనులవెనుక తెరముందర కనిపించి, మరుక్షణం విడివడి మరేడకో - వడివడి మరేడకో!
సకల జగం!
ఒక క్షణంలో
సరభస గమనంతో.... పిమ్మట నిశ్శబ్దం.
ఆ క్షణమందే
గుండెల కొండలలో మ్రోగును మార్మోగునుహుటాహుటి పరుగెత్తే
యుగాల రథనాదం.