స్వర్గనరకముల ఛాయా దేహళి, తెలి, నలి తలుపులు తెరచి, మూసికొని స్వర్గ విలయ హేమంత వసంత ధ్వాంత కాంతి విశ్రాంతి వేళలో, చావు పుట్టుకల పొలిమేరలలో ఆవులించె నొక చితాగ్ని కుండం! అనాథజీవుల సమాధులన్నీ అఘోరించి ఘోషించాయి! ఇదేమి! లోకం హిరణ్యనేత్రుని పదాఘాతమున ప్రతిధ్వనించగ, కురుక్షేత్రమున క్రుద్ధవృకోదరు గదాఘాతమున గజగజలాడగ, జాతి జాతి నిర్ఘాత పాత సం ఘాతహేతువై, కాలకేతువై అదె సంవర్తపు తుపానుమేఘంరాశి చక్రగతులలో రాత్రిందివాల పరిణామాలలో, బ్రహ్మాండ గోళాల పరిభ్రమణాలలో, కల్పాంతాలకు పూర్వం కదలిక పొందిన పరమాణువు సంకల్పంలో, ప్రభావం పొందిన వాడా! మానవుడా! మానవుడా! సౌందర్యం ఆరాధించేవాడా! కవితలో, శిల్పంలో- పురుగులో, పుష్పంలో- మెరుపులో, మేఘంలో సౌందర్యం ఆరాధించే వాడా! జీవించేవాడా! సుఖించేవాడా! దుఃఖించేవాడా!
విహ్వలుడా! వీరుడా!ఆదర్శజీవీ! మహాత్మా! మానవుడా! ఆసియా, అమెరికా, యూరప్, ఆఫ్రికా, ఆస్ట్రేలియాలలో సముద్ర ద్వీపాలలో, ధృవ ప్రాంతాలలో పట్టణాలలో, పల్లెలలో, ధనివో, దరిద్రుడవో, వృద్ధుడవో, యువకుడవో, తెల్లని, నల్లని, ఎర్రని, పచ్చని రంగో, బలవంతుడివో, బలహీనుడివో బ్రదికేవాడా! పాడేవాడా! మానవుడా! మానవుడా! అవిభక్తకుటుంబీ! ఏక రక్త బంధూ! మానవుడా! మానవుడా! అనేక భాషలు మాట్లాడేవాడా! అనేక స్థలాలలో తిరిగేవాడా! అనేక కాంతులు వెదజల్లేవాడా!దుఃఖమయా! దయాళూ! పరదుఃఖాసహనశీలీ! చీమనుకూడ చంపడానికి చేతులురాని వాడా! బుద్ధమూర్తీ! జీసస్! సంఘపశూ! శ్రమైకజీవీ! శరీర ప్రీవృతుడా! ఘర్మవర్ష పయోదుడా! రక్తకణ సమిష్టి కుటుంబీ! కష్టజీవీ! కార్మికుడా! మానవుడా కూలీ! మాలీ! రైతూ! గుడిసెలలో బ్రదికేవాడా! గంజినీళ్లు తాగి కాలం గడిపేవాడా! కడుపెడు సంతానం కలిగినవాడా! ఆకలికన్నూ! మానవుడా! తిరగబడేవాడా! ప్రశ్నించేవాడా! అన్యాయాలకు ఆహుతి కావడానికైనారాక్సీలో నార్మా షేరర్, బ్రాడ్వేలో కాంచనమాల! ఎట కేగుటొ సమస్య తగిలిం దొక విద్యార్థికి!
ఉడిపీ శ్రీకృష్ణ విలాస్ లో- అటు చూస్తే బాదం హల్వా, ఇటు చూస్తే సేమ్యా యిడ్లీ! ఎంచుకునే సమస్య కలిగిం దొక ఉద్యోగికి!
ఇటు చూస్తే అప్పులవాళ్ళూ అటు చూస్తే బిడ్డల ఆకలి!
ఉరిపోసుకు చనిపోవడమో,
సముద్రమున పడిపోవడమో-