పోనీ, పోనీ, పోతే పోనీ! సతుల్, సుతుల్, హితుల్ పోనీ! పోతే పోనీ! రానీ, రానీ, వస్తే రానీ! కష్టాల్, నష్టాల్, కోపాల్, తాపాల్, శాపాల్ రానీ! వస్తే రానీ! తిట్లూ, రాట్లూ, పాట్లూ, రానీ! రానీ, రానీ! హాసం, లాసం!కానీ, కానీ!కళారవీ! పవీ! కవీ!కానీ, కానీ! గానం, ధ్యానం!దారిపక్క, చెట్టు క్రింద, ఆరిన కుంపటి విధాన కూర్చున్నది ముసల్గొకతె మూలుగుతూ, ముసురుతున్న ఈగలతో వేగలేక.
ముగ్గుబుట్టవంటి తలా, ముడుతలు తేరిన దేహం, కాంతిలేని గాజుకళ్ళు, తనకన్నా శవం నయం.
పడిపోయెను జబ్బుచేసి; అడుక్కునే శక్తిలేదు; రానున్నది చలికాలం; దిక్కులేని దీనురాలు.
ఏళ్ళు ముదిరి, కీళ్ళు కదలి, బతుకంటే కోర్కె సడలిపూర్వపు సఖుని ముఖం
నవ్వులతో రంగుల పువ్వులతో కలకలమని కళలు కురిసి హర్షంతో ఆశావర్షంతో కనులవెనుక తెరముందర కనిపించి, మరుక్షణం విడివడి మరేడకో - వడివడి మరేడకో!
సకల జగం!
ఒక క్షణంలో
సరభస గమనంతో.... పిమ్మట నిశ్శబ్దం.
ఆ క్షణమందే
గుండెల కొండలలో మ్రోగును మార్మోగునుహుటాహుటి పరుగెత్తే
యుగాల రథనాదం.