చూడు, చూడు, నీడలు! నీడలు, పొగ మేడలు!
యుగ యుగాల దోపిడిలో, నరనరాల రాపిడిలో- వగదూరిన, పొగచూరిన శాసనాల జాడలు!
జాలిజార్చు గోడలు!
చూడు, చూడు నీడలు! నీడలు, పొగ మేడలు!
చూడు, చూడు, నీడలు పేదవాళ్ళ వాడలు!
నరనరాల వేదనలో తరతరాల రోదనలో- బక్క చిక్కి!బిక్కచచ్చి
పడిన బతుకు గోడలు!
పాడుపడ్డ వాడలు!
చూడు, చూడు, నీడలు!
పేదవాళ్ళ వాడలు
చూడు, చూడు, నీడలు!
పూలు లేని కాడలు!
తరతరాల చెరసాలల రకరకాల తెరచాటుల పొదిగిటిలో ఒదిగిలిపడు నిర్భాగ్యపు నీడలు!
ఎడారిలో ఓడలు!
చూడు, చూడు, నీడలు!
పూలు లేని కాడలు!
చూడు, చూడు, వ్రీడలు!
పీడలతో క్రీడలు!
చూడు, చూడు, నీడలు!పతితులార! భ్రష్టులార బాధాసర్పదష్టులార! బ్రదుకు కాలి, పనికిమాలి, శని దేవత రథచక్రపు టిరుసులలో పడి నలిగిన దీనులార! హీనులార! కూడు లేని, గూడు లేని పక్షులార! భిక్షులార! సఖులవలన పరిచ్యుతులు, జనులవలన తిరస్కృతులు, సంఘానికి బహిష్కృతులు- జితాసువులు,జగన్నాథుని రథచక్రాల్! రథచక్రాల్, రథచక్రాల్, రథచక్రాల్, రథచక్రా లొస్తున్నా యొస్తున్నాయి!
పతితులార!
భ్రష్టులార మొయిల్దారిని బయల్దేరిన రథచక్రాల్, రథచక్రా లొస్తున్నా యొస్తున్నాయి!
సింహాచలం కదిలింది, హిమాలయం కరిగింది, వింధ్యాచలం పగిలింది- సింహాచలం, హిమాచలం, వింధ్యాచలం, సంధ్యాచలం....
మహానగా లెగురుతున్నాయి!మహారథం కదులుతున్నాది!
చూర్ణమాన
ఘూర్ణమాన దీర్ఘమాన గిరిశిఖరాల్ గిర గిర గిర తిరుగుతున్నాయి! పతితులార! భ్రష్టులార బాధాసర్పదష్టులార! రారండో! రండో! రండి!
ఊరవతల నీరింకిన
చెరువుపక్క, చెట్టునీడ-
గోనెలతో, కుండలతో,
ఎటుచూస్తే అటు చీకటి,
అటు దుఃఖం, పటు నిరాశ-
చెరసాలలు, ఉరికొయ్యలు,
కాలువలో ఆత్మహత్య!
దగాపడిన తమ్ములార!
మీ బాధలు నే నెరుగుదును...నిటాలార్చి!
నిటాలాక్షి పటాలుమని ప్రపంచాన్ని భయపెట్టింది!
అరె ఝా
హింసనణచ ధ్వంసరచన ధ్వంసనచణ హింస రచన! విషవాయువు, మర ఫిరంగి, టార్పీడో, టోర్నాడో! అది విలయం, అది సమరం, అటో యిటో తెగిపోతుంది? సంరంభం, సంక్షోభం, సమ్మర్దన, సంఘర్షణ!
హాలాహలం పొగచూరింది!ఈ స్వర్గం ఋజువవుతుంది!
పతితులార! భ్రష్టులార బాధాసర్పదష్టులార! దగాపడిన తమ్ములార! ఏడవకం డేడవకండి! వచ్చేశాయ్, విచ్చేశాయ్, జగన్నాథ, జగన్నాథ, జగన్నాథ రథచక్రాల్, జగన్నాథుని రథచక్రాల్, రథచక్రాల్, రథచక్రాల్, రథచక్రాల్, రథచక్రాల్, రారండో! రండో! రండి! ఈ లోకం మీదేనండి!
ఈ రాజ్యం మీరేలండి!