కూటికోసం, కూలికోసంపట్టణంలో బ్రతుకుదామని-తల్లిమాటలు చెవిని పెట్టకబయలుదేరిన బాటసారికి,
మూడురోజులు ఒక్కతీరుగనడుస్తున్నా దిక్కు తెలియక -నడి సముద్రపు నావ రీతిగ సంచరిస్తూ, సంచలిస్తూ, దిగులు పడుతూ, దీనుడౌతూతిరుగుతుంటే-చండ చండం, తీవ్ర తీవ్రం జ్వరం కాస్తే, భయం వేస్తే,ప్రలాపిస్తే-మబ్బుపట్టీ, గాలికొట్టీ,వానవస్తే, వరదవస్తే, చిమ్మచీకటి క్రమ్ముకొస్తే దారితప్పిన బాటసారికి ఎంత కష్టం!
కళ్ళు వాకిట నిలిపిచూచే పల్లెటూళ్ళో తల్లి ఏమని 8....? చింతనిప్పులలాగు కన్నుల చెరిగిపోసే మంటలెత్తగ, గుండుసూదులు గ్రుచ్చినట్లే, శిరోవేదన అతిశయించగ, రాత్రి, నల్లని రాతి పోలిక గుండె మీదనె కూరుచుండగ, తల్లిపిల్చే కల్ల దృశ్యం కళ్ళ ముందట గంతులేయగ చెవులుసోకని పిలుపులేవో తలుచుకుంటూ, కలతకంటూ- తల్లడిల్లే,కెళ్ళగిల్లేపల్లటిల్లే బాటసారికి ఎంత కష్టం!అతని బ్రతుకున కదే ఆఖరు!గ్రుడ్డి చీకటిలోన గూబలు ఘూంకరించాయి;వానవెలిసీ మబ్బులో ఒక మెరుపు మెరిసింది;వేగు జామును తెలియజేస్తూ కోడి కూసింది;విడిన మబ్బుల నడుమనుండీ వేగుచుక్కా వెక్కిరించింది;బాటసారి కళేబరంతో శీతవాయువు ఆడుకుంటోంది!పల్లెటూళ్ళో తల్లికేదోపాడుకలలో పేగు కదిలింది!